15 49.0138 8.38624 1 0 4000 1 https://wyrta.com 300 0

Thoh ka JSM cha u Chairman ka MSPCB yow pyrchah yei thmu ka Star Cement wow tih moochuni ha Brishynrot

1 Comment
Advertisement ad1

Jowai: Ka Jaiñtia Students’ Movement (JSM) ynne ka 4 tarik da thoh ko cha u Chiarman ka Meghalaya State Pollution Control Board (MSPCB) lyngba u DC ka EJH wow pynsñiaw yei pyrchah yei thmu ka M/s Star Cement Meghalaya Limited wow sdang yei thaw tih moochuni ha Brishynrot, EJHD.

Ka seiñ da ong ko wa ka Star Cement da thmu ko wow pynmih 2.507 Metric Ton u moochuni chi snem na kani ka thaw kawa heh 42.052 Hectare wei kani ka thaw em ko du kamwa 1.46 Km naka Narpuh Wildlife Sanctaury wei jan ko 0.25 Km naka Eco Sensitive Zone kani ka Sanctuary wei daw ktah ym du ya ka khloo, ki mrad khloo wot hadooh ki 17 tylli ki chnong wa em hajan kani ka thaw tih moochuni.

Ka seiñ da ong ko leh wa ka wah Lukha em ko du kamwa 1.38 Km na ini i thaw wa da thmu wow tih moochuni wei da em leh ka wah Um Lunar waka Umso Nallah hajan kani ka thaw wei daw booh ko yei maa ya kini ki wah lada sdang wow tih moochuni.

Heijooh i por ka seiñ da ong ko wa i dor i khyndaw-bilat wa pynmih ka Star Cement dang toh dor ko cha Assam bar hapoh ka jylla Meghalaya wei ym yoh myntoi ki paidbah naka nadooh ki kular kani ka karkhana wow wanrah kiwa boon ki myntoi ya ki paidbah iwa ym em leh ki hadooh katni.

Kamtæ ka seiñ da pynsñiaw ko yei pyrchah joor ya ini i thmu wow tih moochuni ka Star Cement kamjooh leh wow pyndam yaka Public Hearing.

Advertisement ad1

1 Comment

  • October 5, 2019 at 2:39 am
    Barris M

    This planet is full of jokes, everywhere you look.. While ordinary citizens are not allow to use plastic.. LOL.. 👽

    Reply

Leave a Reply Cancel Reply