Ynne ka sngi ka Jaiñtia Students’Union (Central Body) da thoh ko cha u Divisional Commercial Manager ka yung krehkaam ka Northeast Frontier Railway (NFR).
Ka seiñ da dawa ko na ka NFR wow booh biang ya ka Railway Booking Counter ha Jowai hadien wa da baam lut i diñ ya ka yung krehkaam ka MTC Jowai la ar snem kattu iwa da ktah bha ya kiwa lai cha baar jylla khamtam na Ri-loom Jaiñtia wow thied Ticket ki.
Ka JSU da yoh yutip ko wa ka Northeast Frontier Railway da phah chithi ko cha u Managing Director ka Meghalaya State Transport Corporation ha ka 15 tarik uni u bnai wow phah khang noh ya kani ka thaw dai Ticket rel ha Jowai.
Kamtæ dei sñiawkhia, ka JSU da dawa ko na ka NFR wow booh biang ya kani ka thaw dai Ticket ha Jowai i wow pynsuk ya ki paidbah khamtam ki khynnah puræ ka thaaiñ kiwa jooh lai uiñke cha baar jylla (Study Tour) na ki skur ki College wow ye ki wow Book Ticket pyn na Jowai hi neibhah wa da em ka bhah wa kyrpang ya i dor Ticket da duna hadooh 75% ya ki khynnah puræ wei kamjooh leh daw pynsuk ko ya kiwa lai wa wan da ki rel cha kiwi ki jylla.
Kani toh katkam ka Wyrta na u Publicity Secretary ka JSU, u Dapmain Suchiang.