Ka seiñ JSU Central Body lyngba u General Secretary ka seiñ, u Treiborlang R Suchen wa u President ka War Jaiñtia Circle u Eddy K Pohtam da e dorkhat ki cha ka sorkar lyngba ki ar tylli ki District, ka East wa West Jaiñtia Hills wow elaad ya ki warep kwai, pathi wa saroo ha ki thaaiñ War wow yohlaad ki wow dai ya ki mar rep yong ki ha ki yaaw wa da booh kyrpang da ka sorkar.
U Treiborlang R Suchen da pynkynmoo u wa ha u snem wa dadep, ka seiñ da thoh ko cha u montri rangbah ka jylla wow elaad ya ki warep na thaaiñ War wa Bhoi wow yoh ki wow dai ya kini ki mar rep yong ki ha ki yaaw wa da booh kyrpang ka sorkar wei da phah bood bha ya ki kyndon wa da booh na ka chnat i chait i khiah.
Chooh chooh da ong u wa da yaklam lyngba ka WatsApp wa u DC ka West Jaiñtia Hills heiwa da chimkhia u wow elaad hajrong ki kyndon wa da booh wei da phah leh wow thooh ya ki thaw wa biang wow pynman yaaw yadai yathied ha ki thaaiñ Amlarem wow pynman ya ka yaaw soh, pathi wa saroo.
Ka seiñ da e ko yei sñiawngooh ya u SDO wa ya u EAC ka Amlarem Sub Division wa da chimkhia ki yeini heiwa daw thooh ya ki laad ki luti wow pynbiang thaw neibynta i myntoi ki warep na ka thaaiñ War.
