Ka seiñ JSU lyngba u President Shillong Circle u Treiborlang R Suchen, hadien wa yoh yutip ki naka MEMRIWU 108 wa dang em ki wakreh 108 ki wym pu yoh yei thaw sah wa biang neibhah kam ki wakreh wym em kwah ki wow liwan cha yung hadien wa da pyndep ki yei kreh neidaw wym em man chngaaiñ ha kam kini ki por wa dang em ka kjut COVID-19.
Kamtæ neiliang ka seiñ da phah ko dei thoh cha u DHS neibynta u pynbiang thaw sah ya ki wakreh 108 ha kylleiñ ki District waki Sub-Division yong ka jylla, wei katkam ka yutip ong ki wa dang du ha Shillong donhi pynbiang thawsah ki ya ki wakreh 108 ha Hotel Monsoon.
Ka seiñ da kyntu ko yaka sorkar wow kyruiñ khmat ko cha kini ki wakreh 108 neibhah ki da e kti ki doh wa mynsien wow sumaar wei wow kit ya kiwa kjut na kylleiñ ki thaw ha nongkyndong næ ha sor la hapyrdi i syniaw i lyngngoh, katwa kamtæ wym em man iwa chngaaiñ yaki wow liwan ki cha yung katwa kani ka khlam COVID-19 dang poor ko ha kylleiñ ka pyrthai wei wot haka jylla leh dang em kiwa yoh yeini i kjut.
Discussion about this post