Ka seiñ Southern Border Youth Welfare Association (SBYWA) East Jaiñtia Hills District, da e ko dei thoh ha u Deputy Commissioner yong ka East Jaiñtia Hills District ha ka 9 tarik uni u bnai neidaw wa thut i krehkaam u Jio Tower uwa em ha ka chnong Lama, East Jaiñtia Hills District.
I thut yong uni u Tower ka Jio toh ha chi sngi da dooh Network kamwa 10 sien kamtæ ha ka chi bnai da ktah ko chiboon ya ki bru neidaw ha kam ini i por ki bru yoh yutip ki chaphang ki hukum sorkar lyngba ka Mobile Phone wei kamjooh ya ki khynnah skur ruh kiwa leh Online Class, neidaw leh wa em du uwi u Tower ha kitai ki thaaiñ ya kamwa 10 tylli ki chnong kiwa pynemkaam ya utai u Tower ini da ktah bha ko ya ki paidbah.
ka seiñ da kyntu joor ko ya u DC wow chimkhia ya itai i kaam khnang wa ki bru yong katai ka thaaiñ u suk ki, pynkut ka kyrwoh wa phah da u President ka seiñ u Skhembor Shadap.
