Jowai: Ka seiñ kiwa kreh Muster Roll hapoh ri-loom Jaiñtia wa tip kam ka All Jaiñtia Muster Roll Workers & Labour Union da thoh ko cha waroh ki chnat sorkar ka ri-loom Jaiñtia kiwa em kiwa krah Muster Roll yow pynkhreh noh ya ka mang poisa namo ka Quarterly Budget yow su ya ka nong sngi katkam ki khok kiwa kreh Muster Roll kamjooh yow pynlait noh ya ka nong wa dang sah waka Arrear yong ki.
U President ka seiñ u K.L Pariat da ong u wa katkam ka Notification ka sorkar jylla Nos. LGB/2012/361 Dated 07-01-19 kawa klam yei pynthmmye yei nong sngi kiwa kreh wa pynmih da u Additional Secreatary ka chnat Labour ka sorkar jylla hadien wa yachem ka seiñ wa u P. Tynsong uwa man kam u symbood montri rangbah wa u DP Wahlang, Principal Secretary Labour Commissioner wa kiwi ki sahep kani ka chnat sorkar da pynsñiaw yei slem ka sorkar wow su ya i dor wa thymme wa da mynjur ka sorkar.
Kamtæ neiliang u Prestone da e buit u wow thoh cha waroh ki heh ki chnat sorkar wow pynkhreh ki ya ka Quarterly Budget kawa man katkam i dor thymme wa da mynjur ka sorkar.
Ka seiñ kamtæ da kyntu ko ya waroh ki chnat sorkar wow pynbiang ki ya ka Quarterly Budget yow su ya waroh kiwa kreh Muster Roll yow ye u pyndap pynbiang yeiwa emkaam ki nadooh wow su bai skur ya ki khon ki kti, i emkaam ya ki dawai dachin hawa kjut wa chitom kamjooh wow su ya ka bai yung.
Discussion about this post