Jowai: Ha kini ki sngi wa da dep ki pulit da pyntip ki wa da em uwi u bru wa tip kam u Pyndaplang Nongrum uwa da thok u ya le ngut ki bru wa pynchah pyrtuid kiwa thied kari ya u Pyndaplang Nongrum uwa da wiar hadien wa yoh u ya ki kari wei ym em su u katkam wa da kular u.
Haka 28 tarik uni u bnai da yoh ujor sa na uwi u bru wa tip kam u Grandly Biam uwa na Umroi Madan, Ri Bhoi wa u Pyndapland Nongrum uwa kam toh na chnong Umbir, Ri Bhoi da chim u ya ka kari yong oo deiwa kular wow su ya kani ka kari u hapoh 6 bnai tangwa hadooh katni ym pu em su u.
Ha iwi tawon i jia wa ya sariem, haka 29 tarik uni u bnai u Anuj Kumar Gogoi ka Godrej Building, Tata Motors Finance Ltd., Ullubari, Guwahati-7, Assam da ujor u haka Laban PS wa u Gaurav Singh Rathore da chim ram u T. 82,32,000 yow thied kari kamai hei pyrtuid ka M/s Pragati Resource Pvt. Ltd., deiwa kular wow su man ka bnai tangwa ym em su u hadooh katni.
Ha kani ka jooh ka sngi u Lambor Singh Nongrum da ujor u pyrchah ya u Terrence W Warjri uwa da chim T. 22,74,000 na oo yow pynyoh kreh hapoh ka Consad Venture Pvt. Ltd. Tangwa hadooh katni ym pu em pynuiñ u ya ka poisa.
Also Read: Chah thok ki le ngut wa pynchah pyrtuid wow thied kari ha u jooh u bru
Discussion about this post