Shillong: Ynne ka sngi neiliang u montri rangbah ka jylla, u Conrad K Sangma da pyntip u wa ka sorkar da thoh ko cha ka Election Commission wow elaad noh ya ka sorkar wow lai chaphrang hei wow pynkrehkaam noh ya ki scheme wa dadep mynjur da ka sorkar, hadien wa ka Election MP ha ka jylla da kut noh ko ha ka 11 tarik uni u bnai.
U Conrad da ong u wa ini i kyntu ka sorkar ya ka Election Commission ym mut i wow pynlait noh ya ka Meghalaya na i pynkrehkaam ya ka Model Code of Conduct neibhah ka Election dang lai ko ha kiwi ki bynta ka ri India. Tangwa, ka sorkar da kyrpaad ko ya ka Election Commission du wow elaad wow pynkrehkaam noh ya ki Project sorkar kiwa dadep mynjur chwa.
Da ong u wa ini ym kynthup i ya ki kaam wa thymme namo wow pynbna ya ki Project thymme tangwa man i du wow pyndep noh ya kiwa dang sahteiñ.
Discussion about this post