Ki ar seiñ kitæ ka Women’s Wing ka FKJGP (Jaiñtia Hills Zone) waka KSU-Khliehriat Circle da thoh ki cha u SP ka East Jaiñtia Hills yow kyrpaad ya oo wow chimkhia u wow kem ya kiwa emkti wow pynyap ya ka khynnah skur iwa da jia ha Sohkymphor.
Ki ar seiñ da ong ki wa ini wa jia da ktah ym du kiwa ha yung kani ka khynnah wot hadooh ka chnong ka thaw wa waroh kawi ka Ri-Loom Jaiñtia hi.
Da ong wa neiliang kiwa ha yung kani ka khynnah da dep ki wow e FIR pyn haka jooh ka sngi wa chem yei metyap haka 17 tarik tangwa hadooh katni ym pu em kem ya uwon uwon leh heiwa kiwa emkti da yoh ki wow uiñ laitlooid cha wah cha neiñ iwa da pynsier yei mynsien ki paidbah.
Kamtæ yow yoh yei chaniah ki paidbah ya ki bor ka aiñ, da kyrpaad wow chikhia ya kani ka kaam yow yoh kawa da khlaad yei hok yong ka kamjooh kiwa ha yung ha sem yong ka.
