15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Thoh ki wakreh Muster Roll cha u Conrad yow pynlait yaka tulop waka Arrear yow yoh u lehkmen Behdieñkhlam

0 Comments
Advertisement ad1

Jowai: Ka All Jaiñtia Muster Roll Worker’s & Labour Union da thoh ko cha u montri rangbah ka jylla u Conrad K Sangma wow pynlait noh yaka tulop wa dang sah kamjooh leh yaka Arrear.

Neiliang ka seiñ ki wakreh Muster Roll da ong ki wa hapoh ka ri-loom Jaiñtia kattu da poi ka samoi lehkmen Behdieñkhlam heiwa ka Behdieñkhlam ka Jowai u sdang ko nadooh ka 11 hadooh ka 14 tarik u Naiynniaw katwa ka Behdieñkhlam Tuber won u sdang ko nadooh ka 19 hadooh ka 22 tarik u jooh u bnai ha uni u snem.

Kamtæ man ko leh ka por wa emkaam poisa wow pynkhreh ya kiwa boon ki jait ki kaam tangwa neidaw wa la 6 bnai ym em yoh yaka tulop kamjooh ka Arrear kawa heidor warim ym em yoh kattu la ar snem da man ko kawa eh ya ki wow lehkmen ya ka Behdieñkhlam.

Da yooluti ki leh wa deiwa tuklar u montri rangbah ya kani ka kaam daw yoh yaka lehkmen Behdieñkhlam kawa em burom wei kamjooh yow ye u su yaka bai skur wa dang sah yong ki khot ki kti yong ki.

Neiliang ka seiñ da yachem ko leh wa u DC ka WJHD wei da kular u wow yaklam wa ki sahep wa em hapoh ka District yow pynlait poisa ki ya ki wakreh Muster Roll ha ki chnat sorkar waphær waphær.

Share this:
Previous

U e Trading License ka JHADC ya ki baar jylla kiwa seiñ khih ya ki kaam wa ki tre chnong ym ye ki u leh

Next

Leh burom ki pulit ka 3rd MLP (1st IRBn) kiwa em ha Delhi yaka sngi wow pyrchah ya ki drug