Thoh u MDC ka Shilliangmyntang cha u DC wow pynsmat u e yarap cha kiwa chah ktah ha u phria

U MDC ka Shilliangmyntang, u Daeimi Liam hadien wa haap u phria wa u slap wa joor ha kini ki sngi wa dep heiwa da chah ktah ki manyung wa em ha chnong Latymphu-A, Latymphu-B, Musiaw, Umsalang, Thadbamon, Sookhlieh, Lummuriap, Bhain wa Thadsning kiwa haap hapoh ka Constituency u, da thoh u cha u DC ka West Jaiñtia Hills ynne wow pynsmat u pynpoi yei yarap.

Da ong u wa ki yung ki sem ki bru toh kiwa da chah ktah joor wei kini ki manyung kattæ da chem chitom bha ki neiwa jia ha ka 14 tarik.

U Daeimi Liam da ong u wa i yarap toh u wan ko hei dur ka poisa yow yarap ya kini kiwa chah ktah wow pynchna biang ki ya ki yung ki sem ki kamjooh wow pynmim biang yei kamai kajih ki.

Da kyntu leh ya u DC wow lai hiar u cha kini ki chnong wa chah ktah yow pynpoi smat yei yarap.