Ka mukotduma PIL wa da yaleh da u (L) Kynjaimon Amse pyrchah ya ka NHAI heiyatoh wa u sarok NH-6 (Jowai-Ratacherra) da chong bichaar biang ka ynne da u Chief Justice, I.P. Mukerji wa u Justice, W. Diengdoh.
Ka NHAI da phah ko leh yei jubab lyngba ka Affidavit ha ka 11 tarik uni u bnai deiwa ong wa i kreh toh iwa da sdang nadooh ka 22-03-24 deiwa e kti yei kreh cha ki ar tylli ki Company wow kreh, kitæ ka Purvanchal Buildtech Pvt. Ltd neibynta wa jrong 51 Km (Jowai-Wahiajer) wa cha ka Dhar Construction Company neibynta iwa jrong 51.255 Km iwa na Wahiajer cha Ratacherra.
Katkam ini i jubab yei bynta wa jrong 51 Km dadep u kreh 67% wei neibynta ka 51.255 Km da pyndep 73% wei da em leh i thut i kreh neidaw wa hap pynlait u lai ki kari wa boon wei da yarap ki bor District wow pynbait yeini.
Neiliang u muktiar ka NHAI da ong u wa lada e por sa ar bnai waroh i kreh u pyndep noh ki.
U Amicus Curiae ka yung bichaar uwa dadep lai hiar yow pait yei kreh da ong u wa em i thut i kreh neibhah ha ka thaaiñ Umkiang toh ka thaw wa boon khloo, wei ha chnong Dona won da em ki thlu wa heh wei em leh ki nar Rod wa da mih cha lait ka yingkieñ khian wa kiwi de kam kini tangwa ka yung bichaar da ong ko wa katkam ka hukum wa da pynmih ha ka 24-02-25 ym pu em bood ka.
U muktiar ka NHAI hakhmat ka High Court da kular u wow pyndep yei kreh hapoh ar bnai wei waroh kiwa da phah u leh u pyndep ki.
Discussion about this post