15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Thoh u Mukul cha u CS yow pynchitom katkam ka aiñ yei tih wei chalan tooh ya u mooyong

Advertisement ad1
Advertisement ad1

Uwa yahkhmat ka liang pyrchah ka Meghalaya Legislative Assembly u Dr. Mukul Sangma da thoh u cha u Chief Secretary ka jylla u M.S. Rao yow kyntu ya oo wow pynchitom katkam ka aiñ Mines and Minerals (Development and Regulation) Act, 1957 waka Prevention of Corruption Act, 1988, heiyatoh wa pteiñ i tih mooyong pyrchah yaka aiñ kamjooh yei chalan tooh ya u mooyong hapoh ka jylla.

U Dr. Mukul da kam u ya ini deiwa kdaw yeiwa lai u cha Khliehrangnah, Shangpung, West Jaiñtia Hills haka 28-10-20 heiwa da chem u wa dang pteiñ wow tih mooyong pyrchah yaka aiñ.

Da ong u wa deiwa niaw ya katwon tylli ki thaw pynhaap mooyong deiwa emlang u Deputy Commissioner, Jowai wa u Divisional Mining Officer, Jowai da chem u wa toh u em kamwa 1064 tylli ki truck wa wan pynhaap mooyong wa ye u kit 12–16 MT tangwa da chem wa ha ini i thaw pynhaap mooyong da em duna 20,000 MT u mooyong, katwa ka Enquiry Report u DMO, Jowai wa em yaka tarik 2 June 2020, kdaw ko wa em kamwa 1,41,000 MT kawa da yoh leh lyngba ka RTI wa leh da u S.N. Marak.

Kamtæ da ong wa ini toh i dooh nong bha yaka sorkar heiwa da em u mooyong wa da wiar deiwa kit tooh na kani ka 1,41,000 MT.

Da ong leh wa kini ki kaam wa man pyrchah aiñ nadooh i tih wei chalan mooyong khlem su yaka Royalty cha ka sorkar da wanrah hakhmat ka sorkar deiwa klam ha ki laad pathai khubor wei kamjooh ha ka dorbar ka Assembly wa pynman ha u Khonchonglad (Nov), 2020 tangwa ka sorkar suki hi-eh ko wei ym bien ko u leh iyi iyi leh neibynta iwa bha yaka jylla.

Ya kani ka chithi da phah leh cha u Chief Justice ka Supreme Court ka India, u Chief Justice ka High Court ka Meghalaya, cha u Chairman ka National Green Tribunal wa cha u Chairman ka Meghalaya Lokayukta.

Share this:
Previous

Pynkhreh ka Raij Namodong wow sai kyrtong haka Election 2023 hadien wa chah iehbeiñ ha kiwa boon ki liang

Next

Kah ki paidbah yaka luti lai kit moo ki Assam na wah Malidor