Thooh dei kreh ong ka SC ya ka kynthai wa dawa Rs. 12 klur, i yung wa ka BMW kam ka bai yalait kurim

Ka Supreme Court ka ri India ynne da kylli ko na ka kynthai kawa da paan Rs. 12 klur kam ka bai pynlait kurim weileh wym kreh hi ko neibhah wa man ko kam ka bru wa kreh ha ki kaam IT wei kawa em leh ya ka MBA Degree.

Hawa chong ap ya ka mukotduma, neiliang u Chief Justice of India, u BR Gavai da ong u ya kani ka kynthai wa ha ki sor kam ka Bengaluru wa Hyderabad emkaam bha ki ya ki bru kiwa da stat da tip kam ka.

U CJI da ong u leh wa pha kam ka bru kawa da biang ka kyrdan puræ puthi ileh wym kreh pho heithaw wa paan ya kani ka poisa.

Ini wa ong u CJI toh hadien wa kani ka bru da dawa ko yei yung (Flat) ha Mumbai deilang ka posia wa Rs. 12 klur wa ka kari BMW u kurim ko kam ka bai pynlait kurim wei kini da yalait ki du hadien wa dep bia 18 bnai.

Related posts

Ksoh ka ED ya ki yung ki sem deilang ka poisa wa dapoi Rs. 20 klur yong uwa jooh pynlai ya ka CMJ University ha Meghalaya

July 22, 2025

Paan maap uwa kam wa chim uwi u bru ya u chabi kari

July 22, 2025

Kani ka kynthai da ong ko ya ka yung bichaar wa u kurim ko toh uwa mahajon bha, tangwa da kwah u wow pynkut noh yei chong kurim ki deiwa kam wym chait ko hei bor pyrkhat pyrdaiñ neibhah wa chitom ko nei kjut Schizophrenic iwa da kyntait ko wym em chait ko.

U CJI da ong u ya kani ka kynthai wa iwa ye ko wow yoh toh iwi i Flat yow man ko kam ka tre wei lada ym hun ko yeini ye ko wow chim ya ka poisa kawa Rs. 4 klur wei wow thooh kreh noh ko.

Kani ka kynthai da e daw ko wa neidaw wa em kawi ka FIR pyrchah ya ka wa da e da u kurim ko, wei kani ye ko wow man iwa ye wow ktah ya ka u yoh kreh ko.

U CJI da ong u leh wow pyndam ya kani ka FIR wei daw pynmih won ya ka rai hajrong kani ka mukotduma.

Kini ki chi kurim da yaleh ki da palat 20 tylli ki mutkoduma para ki.