Jowai: Hadien wa ki paidbah wa khayi ya u mooyong wow dai lilam (Auction) ka sorkar da pynsñiaw ki yei eh wa khroo wa syad ka Challan wow khayi ya u mooyong wa ka sorkar u daw lilam ko, kamtæ heiyatoh wa ini, kiwa yahkhmat ki le tylli ki seiñ wa kynthup ya u Sambormi Lyngdoh President EJNC, Ency Shadap President HANM East Jaiñtia, u P.S. Phawa GS JSM, da lai ki cha ka yung krehkaam u District Mining Officer (DMO) yong ka Directorate of Minerals Resources (DMR), West Jaiñtia Hills District, Jowai, wow yachem wa uni u sahep deiwa thmu leh wow thooh yutip hajrong u mooyong wow dai lilam lada toh uwa yohkem, næ uwa dep kheiñ lang ka sorkar uwa da dep tih wa ya i ku dor palat yong ka challan, tangwa ha kani ka sngi ka 27 tarik uni u bnai, u sahep yong katai ka yung krehkaam ym em u.
Kamtæ neiliang ki le seiñ da yoh ki wow yaklam wa ki wakreh yong katai ka chnat heiwa neiliang yong ki da ong ki wa dang yang yaka hukum yong ki bor wa hajrong kam na u CM næ ki bor sorkar yow leh ya iyi wa da phah ki, katwa heiyatoh wa i dor ka Challan, da pyntip ki wakreh kani ka thaw wa katkam i dor man ko T. 1160 chi Ton, katwa ya kiwi wa emkaam ye u yoh na u DC EJH.
Neiliang u S. Lyngdoh, da ong u wa ha i dor T. 1160 da poi hadooh T. 23,000 neibynta 9 Ton u mooyong, tangwa kiwa thied Challan hap ki wow thied hadooh 70-75 hajar tyngka neibynta ka 9 ton, wa chi lak soophaw hajar neibynta ka 19 Ton u mooyong, wei hajrong ini leh neiliang yong ka yung krehkaam ym ye ki wow batai.
Neiliang ka seiñ heiyatoh wa ini daw lai yachem ko wa u Deputy Commissioner ka East Jaiñtia Hills District, heijooh i por da pynrem joor ki ya u sahep kani ka chnat yei wym wan kreh u, kamjooh leh ya ki wakreh kani ka yung krehkaam ki wym ye u khana ya ka kyrdan wa ki kreh ki hawa kylli kiwa yahkhmat ki seiñ na ki.
Discussion about this post