Ka Jaiñtia Tourism & Environment Society (JTES) ynne deiwa ya krehlang waka Dorbar Chnong Mowtyrchiah-A da pynman ki yei thung dieñ ha Lum Tiniang.
U Lum Tiniang uwa man leh kam uwi na ki thaw uiñke suwari wa pawnaam ha Ri-loom Jaiñtia toh uwa da chna pynmiat wei da em leh ka thmu wow pynman ya kani ka thaw kam ka Bird Sanctuary.
Kamtæ neiliang ka JTES da thung ko 40 tylli ki tre dieñ soh wa baam ki sim wei yow pynphooh ya uni u Lum Tiniang da thung leh ya 70 tylli ki tre dieñ Cherry Blossom.
Ha kani ka sngi da ya emlang u W. Kharbuli uwa man kam u EAC ka West Jaiñtia Hills kam u kongsan ha ka yalang wa pynlai da u Philemon Lyngdoh uwa man leh kam u President ka JTES.
Da yoh leh yei klam pdiang sñiawbha na u S. Lapasam uwa man kam u Secretary chnong ka Mowtyrchiah-A, i klam na u M.S. Lhuid, u DC warim ka Jaiñtia Hills uwa man leh kam u Financial Secretary ka JTES, i klam na u waheh chnong ka Mowtyrchiah-A, u G. Dkhar wei kamjooh na u kongsan.
Da pynkut ya ka yalang dei klam na u James Pohsngap, Rtd. Conservator of Forest ka sorkar Meghalaya.
Discussion about this post