Thung dieñ ka Young Indians ha Khliehriat ka Kiang

Jowai : Ka Young Indians (YI), Meghalaya Chapter kawa man kam chibynta yong ka Confederation of Indian Industry (CII) da pynman ki ya ka thung dieñ ha Khliehriat ka Kiang ynne ka step hei krehlang wa ka Seiñraij Jowai, Earth Day Network, Impulse NGO Network, Center of Learning, Knowledge & Services (COLKS), Society For Urban and Rural Empowerment (SURE) wa ka Saralyne Sports Social & Cultural Club, Jowai.

Ya kani ka YI da seiñ nadooh u snem 2002 yow yoh lad ki khyroo khyllood ka ri u pynkrehkaam ya ki kaam pynroi hapoh ka ri. Ya ka Shillong Chapter da sdang nadooh ka 26 January 2015 hapoh i yahkhmat ka kong Ibadaphunshisha Blah.

Da pynman leh ya kani ka thung dieñ kam chibynta wow lehkmen ya ka International Women’s Day.

Ha ka yalang wa tbian chwa u thung ya ki dieñ, ka Karuna Singh, Country Director, Earth Day Network ong ko wa katwon ini i thaw man i iwa miat wa ka pyrthai dang boon ye ki u yoh ki i sikai hei yatoh wa i stad yong ki warim wa kammon u pynneh pynsah ya ki um, ki khloo na ki bru wa ksoh ya ini i stad.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U ma H.H. Mohrmen, President ka SURE da e u ya i klam wa tbian hei yathoh wa ki khloo kyntang wa em ha ka chnong Jowai wei kamjooh leh ya ki wah wa daboon wa yap nei thih ya ki mar pohkhyndaw.

Ha kani ka sngi da thung kamwa 30 tylli ki tre dieñ ha ini i thaw wei da yada ya kini ki dieñ da ki tin wa khlem i tre.

Da kular kini ki seiñ leh u e sa ki ‘Dust Bin’ heini hadien wa chem ki boon ki klong wa piah kamjooh ki plastik wa pyntaroi ya ini i thaw.