Ka Hand of Hope Society (HoHS) Mooshrot, West Jaiñtia Hills da yoh ko u thung ya ki 50 tylli ki tre dieñ ynne ka sngi ha chnong Mooshrot kam i dak wow burom ya ka bei ramaw.
Ya ini i thung da yahkhmat da u Supervisor ka HoHS, u Sunil Lamare chirup wa ki dkhot ka Society.
Ka Society da kyrpaad ko leh ya ki paidbah wow sumaar ya ka ramaw wei ymtoh wow pynjæd ya ka.
“Kam ka Society kyrpaad i ya kiwa chong chnong wa kam ki bru kiwa em i sñiawlem wa emkaam wow hikai ya ki khon ki kti yong i nadooh na yung kammon wow sñiawthooh wym toh wow noh roi yei jhep ha ki luti syngkieñ. Emkaam leh wow pynchlur kammon wow pynneh yei khooid ha ki soodong sookun khnang wow yoh yei chait i khiah wei wow wanrah biang ya ka chnong ka thaw wa ka jylla hi waroh kawi kam ka thaw wa khooid tam ha ka ri,” da ong ka Society.
Ka Hand of Hope Society (HoHS) da e khublei Behdieñkhlam wa suk wa kmen ko ya waroh ki khon ka Ñiamtre wa u Blai u kyrkhu kyrdoh wei u yada u na i sih waroh.
Discussion about this post