Hadien wa pteiñ i yakhih kiwa lai puræ ka NEHU, neiliang ka Department of Higher Education, Ministry of Education ka sorkar India da pynmih hukum ko yow phah takit yeiwa da pynbaad wa kani ka skurbah da hiar kyrdan ko ha ka National Institutional Ranking Framework (NIRF), neidaw wym biang i pynlai ya ka.
Da phah leh wow takit yei chah pynbaad yei rukom thung kreh ya u Registrar wa u Deputy Registrar, iwa da ktah yei krehkaam kani ka skurbah.
Kiwi de kynthup ki ya yei wym ye u pynbiang yeiwa emkaam ha kani ka skurbah wow kyntu kynrong ya ka puræ puthi.
Kamjooh i wym bna u Vice-Chancellor wow pynhun yeiwa dawa wow wanrah yei kylla.
Hajrong ini waroh da thung ya ka Committee wa em ar ngut ki dkhot kitæ u Prof. D. P. Singh, uwa man kam u Chairman warim ka UGC u wow man kam u Chairman kani ka Committee wa u Prof. Dilip Chandra Nath, uwa man kam u Vice-Chancellor warim ka Assam University.
Kani ka Committee da e por ya ka 15 sngi wow e ko ya ka bui (Report) kamjooh i tyrwa wa kammon u leh yow pynbait ya ini i kaam.
Discussion about this post