Ka RAM da thung ko ya u Anthony Lyngdoh kam u Publicity Secretary wa thymme yong ka synjuk. Ka Executive Committee yong ka Association wa da khlieh da ka President ka I. Kharmuti da mynjur ki wow thung kaam nadooh ynne ka sngi. U Lyngdoh u man u leh kam u Publicity Secretary wa le yong kani ka seiñ ki ‘thei nuti.
Hadien wa da chikmti ya i kaam, u Lyngdoh uwa kwah wow kreh neibynta i bha i miat yong ki ‘thei nuti ha kani ka jylla wei wow wanrah yei kylla, da kular u leh wow klam markhmat wa ka sorkar khnang wa ki dawa yong ka RAM wa ka Global Network of Sex Work Projects (NSWP) ym sepai ki.
Uni u PS wa thymme ka RAM da khut da wer u leh ya kiwon kiwon ki ‘thei nuti wa chem yei eh wow Phone ha u Number 8787587794 lane deiwa phah email ha [email protected] lada emkaam yarap ki.
U Lyngdoh da e khublei ko leh ya ka NSWP wa da mynjur ko wow jied ya oo na ki 5385 ngut kiwa yaleh kreh. Uni u PS da kmen u leh hadooh kattæ kattæ wa da yoh yei ya krehkaam lang wa ka UNO wei kamjooh leh wa kiwi de ki seiñ kreh mon sñiawbha.
Ka kyrwoh naka I. Kharmuti, President.
