Uwa yahkhmat ka chnat khynroo ka NPP, u Aldo A Sangma da jied ya oo da ka liang synchaar yow man kam u MDC wa dei thung namo u Nominated MDC ha Garo Hills Autonomous District Council.
Ha ka hukum wa da pynmih ynnin ka 7 tarik na u Lat ka Meghalaya, u Satya Pal Malik da pynbna ya u Aldo A Sangma wow man u kam u Nominated MDC yow pyndap ya 30 ngut ki MDC ka GHADC.
Ha ka hukum u Lat da ong wa katkam ka Sub-rule (1) of rule 6 of the Assam and Meghalaya Autonomous Districts (Constitution of District Councils) Rule, 1951, wei katkam wa da pynkylla da ka Garo Hills Autonomous District Council, wei katkam wa da e buit da ka Garo Hills Autonomous District Council, u Lat da thung u ya u Aldo A Sangma, kam u dkhot ka Council.
U Aldo toh uwa na ka chnong Bajengdoba, North Garo Hills wei katni da man u leh kam u Vice Chairman ka State Level Public Grievances Committee.
Da pyndep u yei puræ na St. Anthony’s College, Shillong wei da pyndep u ya ka Masters ha ka Political Science na IGNOU.
Da jooh man u leh kam u President warim ka Garo Students Union, Khasi Hills Zone nadooh u 2005 hadooh u 2007.
