U Superintendent of Police (SP) ka East Khasi Hills, u Vivek Syiem da pyntip u wa ki pulit da thung ki da ka Special Investigation Team (SIT) ka wow khlieh da u SP City, u Herbert Kharkongor wow takit yei chah pynyap ka khynnah khian ha Nongrah, Shillong.
Hawa klam cha ki laad pathai khubor, u Vivek da ong u wa ki pulit dang yang ki ya ka Post-Mortem Report yow tip bniah yei daw wa yap.
Heijooh i por da ong u wa yei metyap ka Insaphira Lyngdoh Mawnai kawa dang 4 snem i rta, da chem da uwa kreh mylla chna yung kawa em hajan ka yung wa kani ka khynnah sah ko deilang wa ka bei wa u pa.
Ka Insaphira da wiar ko hei step ka 14 tarik wei da chem yei metyap ko ynne i step hadien i thooh nadooh ki bor chnong, ki Volunteer wa ki pulit najrong kiwa ha-yung ha-sem.
U SP da ong u wa ki pulit dang lum dang pynlang ki yei sabut yow tip bniah yeini wa jia.
Discussion about this post