Thung u Pope Francis ya u Rev. Bernard Laloo kam u Auxiliary Bishop ka Shillong Archdiocese

U Pope Francis da thung u ya u Rev. Bernard Laloo yow man kam u Auxiliary Bishop ka Shillong Archdiocese yow yarap ya u Archbishop hei pynlai ya ka Archdiocese. Hadooh ynne, u Rev. Bernard da man u kam u Chancellor ka Shillong Archdiocese.

U Rev. Bernard Laloo da kha ya oo ha ka 16-05-1976 ha Laitlyngkot, Meghalaya wei da pynkyntang ya oo kam u Lyngdoh Soh Blai ha ka 30-04-2006 wei da chakri u ya ka balang deiwa man kam u Assistant Parish Priest ha St. Paul’s Parish, Upper Shillong nadooh u 2006 hadooh u2007, da man u kam u Administrator ka Christ the King College, Shillong ha u 2008. Nadooh u 2009 hadooh u 2015, da man u kam u Dean of Studies ha St. Paul’s Seminary, Shillong wei da ksoh u leh yei kaam Principal ka Divine Saviour Higher Secondary School, Laitumkhrah nadooh u 2015 hadooh u 2016.

U Rev. Bernard Laloo dadep man u leh kam u Director ka Social Service Center, Shillong nadooh u 2017 hadooh u 2021 wei u dkhot ka Caritas India nadooh u 2021 hadooh u 2024. Nadooh u 2022 won da ma u kam u Chancellor ka Shillong Archdiocese wei kam u Parish Priest ka Cathedral of Mary Help of Christians, Laitumkhrah.

Da pyndep u yei puræ Bachelor’s Degree ha ka Subject Education, ka Master’s Degree ha Sociology waka Postgraduate Diploma ha Counselling Psychology.

Yeini i pynbna ynne da mih na Rome wei da pynbna leh ha ka Catholic Bishops’ Conference of India (CBCI) Centre ha Delhi da u Fr. Mathew Koyickal, Deputy Secretary General of CBCI.

Related posts

10 snem phah kset ka yung bichaar ya uwa slaitbor ya ka khynnah wa dang 12 snem

January 19, 2026

Deiwa khang ka AH&Vety Check Post da ki phaw snem khlem em de wa pait wa sylli ya ki dakha, ki syiar, ki sniang wa psiah cha Meghalaya

January 19, 2026