Uwi u bru uwa na Meghalaya uwa tip kam u Treactchell Lyndem (57 snem) da wiar u ha Bangkok, Thailand nadooh ka 5 tarik u bnai nyngkong uni u snem wei ym tip cheiwon da em u wot hadien wa da pyrchang ki pulit wow thooh oo.
Neiliang u SP ka East Khasi Hills, u Vivek Syiem da pyntip u wa da thoh u cha ka Crime Investigation Department (CID) yow ya krehlang ki wa ka Interpol India heiwa da kyrpaad wow pynmih da ka Yellow Notice yow ya krehlang wa ki bor ka aiñ ka ri Thailand yow thooh ya uni u bru wa wiar.
Yeiwa wiar uni u bru da pyntip da ka kurim u cha ki pulit wei man u leh kam uwa kreh ha KHADC heiwa iwa khaddoh wa da yoo ya oo toh ha ka 05-01-25.
Da lai u cha Bangkok deilang wa soo ngut ki lok u wei dapoi ki ha Thailand ka 3 tarik u bnai nyngkong.
Da booh leh ka ujor ha ka Lumpini Police Station, Bangkok wei da pyntip leh cha ka Indian Embassy yeini wa wiar uni u bru.
Discussion about this post