Jowai : Ynne ka sngi ka Loompyrdi Iongpiah dang pteiñ ko yei kynmoo warom ya ka bei rymaw hadien wa dep thung ko 20 tylli ki tre dieñ ha madan Myngkoi Pyrdi da lai li thung won ko 100 tre ha rood Myntwa iwa man leh i thaw wa tip kam i kseh yonglang ka chnong.
Ki dkhot ka Iongpiah da leh ki yeini i thung dieñ toh kam wow thoohlad wa kammon u pynboon biang ya ki dieñ khloo heithaw ki dieñ kseh.
Ynne ka sngi da sdang yei thung dieñ, deiwa e chwa yei ngooh i dem na u Waheh Chnong, Wh. K.F Laloo, neibynta i man bha man miat kini ki dieñ ki wow thung hajrong ka snieh ka swor ka bei rymaw.
Ya ki dieñ toh kiwa da thied wei da jied kyrpang kiwa yatoh weini i thaw. Ha kani ka sngi da wan chimbynta chongchit ki khon ka Iongpiah waheh wa khynnah.
Discussion about this post