15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kyntu ka KSU-JHDU ya ka sorkar wow khut yaklam ya ka HNLC

0 Comments

Jowai : Ka Khasi Student’s Union Jaiñtia Hills District Unit lyngba ka khubor na u J.Paul Lyngdoh u Education Secretary ka seiñ da kyntu ko ya ka sorkar jylla wow chimkhia ko u khut yaklam yasuk noh wa ka HNLC.

Ka KSU-JHDU ong ko wa ka Meghalaya emkaam ko ya i chong suk chong saiñ iwa man leh hakhmat dooh.

“Lada ka sorkar kwah ko u pynku sakhiat ya i kaam uiñ ke pyrthai hapoh ka jylla ymtoh u chimkhia ko du ya ki seiñ kiwa wan pyndem tangwa ya kitu kiwi leh kamjooh kiwa dang yakhun pyrchah ya ka” da ong u J. Paul Lyngdoh.

Ka seiñ da ong ko leh deiwa theh poisa ya ka film Rock on 2 hei pyrtuid wow pynku ya ki kaam uiñ sawari, man i iwa bakla neibhah kammon u ku ki kaam uiñ sawari hawa tang i chongsuk ym em.

Yeiwa emkaam dooh ka sorkar Meghalaya toh u khut yaklam ko ya ka HNLC. Ka sorkar Congress ym toh u leh arsap ko næ leh chilliang ko hawa khut yaklam ko ya ka HNLC.

Ka seiñ kyntu ko ya ki MLA ka ri Khasi Jaiñtia yow booh ki ya i yaphær pyrkhat charood wei wow yieñ tylli yow wanrah i suk i saiñ hapoh ka jylla.

Previous
Next

0 Comments

Leave a Reply