Thut i lai i wan ki paidbah wa khang ki dukan dai kyiad

Jowai : Ynne i janmiet da yoh u sakhi ya ki paidbah wa chlong ki ha iwi i dukan dai kyiad ha Jowai iwa da pynthut yei lai i wan ki paidbah neidaw wa sah ki kari.

Ini da jia i hadien wada e hukum ka High Court Meghalaya wow khang ki Wine Store katkam ka kyndon 183 yong ka Meghalaya Exise Rule iwa mana ya ki dukan dai kyiad u wai ki lada em ki hapoh 100 meter na ki yung skur, ki yungmane, ki yungkrehaam sorkar wa kiwi kiwi.

Ha Jowai katwa em du kawi ka dukan wa dang wai da yoh u sakhi ya ki paidbah wa chlong ki ha kani ka dukan hadooh wa duk ki tre u khang ya ka gate pyn na pchem wow psiah cha ka dukan wei da duk ki bru u yieñ da u laiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Weiwa hadien wada khang ka dukan leh dang em ki bru wa choh ya ka dwar dukan wow wai ki yow yoh ki u thied kyiad.

Katkam wa yoh yutip da ong wa ha West Jaiñtia em du san tylli ki dukan wa wai kiwa kynthup ya kawi ha Jowai, ha Amlarem, Raliang, Nangkynrih wa ha Muktapur.

Ha kini ki dukan katkam ka yutip wa yoh da ong wa da ki spah ngut ki bru wa wanpoi yow yoh ki u thied kyiad.