theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Thylli wei lyngngam ki yung krehkaam sorkar ha Shillong

Ki yung krehkaam sorkar da lyngngam ki hadien wa ki 5 tylli ki seiñbhalang da khut pynman ki da ka Non Cooperation Movement namo wow dam ya krehlang waka sorkar ynne ka sngi, wei kani ka yakhih toh wow beiñ yei chah thombor kiwa chong chnong ka Mukroh ha ka 22 tarik uni u bnai ha ki pulit Assam.

Ha ini i yakhih yong ki seiñbhalang da sakhi wa ki wakreh ha yung krehkaam sorkar da e ki yei kyrchaan wow pynyoo yei sñiawlem ya kiwa da dooh yei mynsien ha Mukroh deiwa dam u lai kreh.

Advertisement ad1

Hawa lai pait ya kiwa boon ki yung krehkaam sorkar ha Shillong da sakhi yei thylli ki kamra wei kiwa lyngngam wa kynthup ya ka Secretariat kawa man ka yung krehkaam wa heh dooh hapoh ka jylla.

Ha kani ka sngi nadooh i por step wa da sdang yei yakhih, da sakhi leh yei pynkhlan yei bor da kiwa pynlai District wow em ki pulit wa uiñ sonteri yow yada na iwon iwon i jia wym sñiawsuk. Katkam ka khubor da khana leh wa ha ki kattu katni ki thaw da em leh ki dkhot seiñbhalang kiwa da yang yow ksoh ya ki paidbah yow lait ki wow lai cha ki yung krehkaam deiwa paan yei kyrchaan. 

Ha kani ka yakhih wa da khut pynman da ki 5 seiñ wa kynthup ya ka KSU, FKJGP, HNYF, JSU wa RBYF da khang du ya ki yung krehkaam sorkar wa kiwa kreh Bank wow lai cha ki thaw kreh katwa ya kiwa sikai skur, ki khynaah, kiwa kreh ha ki thaw sumaar da pynlait ya ki.

Advertisement ad1
Share this:
Previous

Lait bait i yakhih ki seiñbhalang, khang awjan waroh ki yung krehkaam sorkar ha Jowai 

Next

Da khut ya kiwa sakhi wa em sabut yeiwa jia ha Mukroh wow wan ki chakhmat