Kawi ka kynthai Khasi da wan ko chakhmat wow khana wa chah slaitbor ko ha ki 4 ngut ki chynrang wei da wan ko chakhmat na i daw wa i Video iwa jia yaka da poor ki kylleiñ kylleiñ katni.
Katkam wa khana ko wa ini da jia i hawa lai yachem ko wa kitai ki chynrang heiwa tipmit ko ya uwi na ki tangwa manda poi ha itai i thaw da chah pyndih ko da i jait dih iwa da pynmuaid yaka heiwa hadien ini da chah slaitbor ko.
Ya ini wa leh kini da riñ Video, wei da ong ko wa ki bru kiwa pait ya ini ym tip ki iyi wa jia yaka tangwa da pynbaad kylla ki wa ka toh ka bru wa sih.
Da ong ko leh wa hei Video da yoo wa chah leh yabor ko tangwa ki bru kattæ leh dang pynpoor ki ya ini khlem da em de i sñiaw khlem da pyrkhat.
Da khana ko wa ka toh kawa ka-it yalehke PUBG Mobile wei da lai ko cha ini i yung u bru wa tipmit ko nei yaleh Mobile Game uwa da wan thooh ka na yung wa sah ko da ka Scooty heipor 5:00 waje i step neidaw wa chong yalehke ko ha yung hadooh wa step ha katu ka sngi wei da khut u ka wow wan dih cha step.
Hadien wa dih cha step da u Maggie neidaw wym em cha da e ki ka da i Breezer wei hadien ini da yapler ko wei manda khai ko ym tip ko iyi iyi wa jia yaka neibhah ki sula, ki that ki nep man ki thij kamwa heipor wa wan ko wei ym em kjut doh ko.
Katkam wa pyntip ko, ini da jia i ha u Naikhynde (Sep) 2023, wei ini i Video toh iwa da poor ha kini ki por Election ha uni u bnai wei manda yoo ko ya kini ki Video da lai ujor FIR ko wut-wut neibhah du heini i por tip ko wa chah slaitbor ko heiwa ki pulit da yoh ki wow kem ya 3 ngut na kini ki 4 ngut.
Ini toh iwa da jia ha Shillong.
Discussion about this post