15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Tipmit yaka Jaiñtia Eastern College kamka thawpuræ wa pura

0 Comments

Jowai : Ka Jaiñtia Eastern College, Khliehriat East Jaiñtia Hills District da tipmit yaka kam ka B Grade daka National Assessment and Accreditation Council (NAAC), Bangalore. Ya kani ka thaw puæ da chong pyrkhat chwa wow e yaka yeini i naam haka 15th Meeting of the Standing Committee ka NAAC wada pynman haka 25 Naisan uni u snem.

Ka committe ka NAAC Peer Team næ ka dhab wow rai yeini kiwa kynthup ya u Prof. K. Venkata Chalam, Former Registrar, Palamuru University u Professor, Department of History, Culture Archaeology, Osmania University, u Prof. Vasant Jugale Director, Yashawantrao Chavan School of Rural Development, Shivaji University u Dr. Bhat. P. A. Former Principal, u Dr. A.V. Baliga College, Kumata, Karnataka dalai sylli ki yaka College nadooh ka 5 tarik hadooh ka 7 tarik uni u bnai.

U Principal kani thaw puræ u Dr. Phervision Nongtdu ong u wa, kani ka thong wa yoh ka College weiwa tipmit ka sorkar ya kani ka thaw puræ man ko kam i kyrkhu yaki paidbah ka East Jaiñtia Hills District.

Hadien ini u Dr. Nongtdu, da e khublei u ya kiwa sikai ka IQAC, ka Alumni, ki khynnah, ki manbei manpa wa kiwi kiwi kiwa da kyrchaan yaka skur.

Ye leh u ong heini wa ka  Jaiñtia Eastern College da seiñ yaka ha u snem 1992 wei da e ko i chakri yaki khon khynroo khyllood ka Khliehriat Civil Sub-Division kawa datip kamka East Jaiñtia Hills District katni, hadooh katni.

Previous
Next

0 Comments

Leave a Reply