Jowai : Ka Yingkieñ naar næ ka Yingkieñ doidoi kawa em ha Syntuksiar, hajrong ka wah Myntdu man ko ka yingkieñ kawa ka-it bha ki paidbah u lai uiñke man ka sngi.
Ha kini ki kajak sngi wa da dep da yoh yutip wa uwi u tylle naar (suspender cable) uwa da kdoh ya ka luti lai (deck) wa ki tylle naar (main cable) najrong wa lai nawa sdang hawa kut ka yingkieñ da tkut u.
Hei yatoh weini neiliang u Wyrta da yaklam i wa u Executive Engineer ka PWD, Jowai South Division u ma M. Nongpluh heiwa neiliang yong oo da kular u wow phah pait li sylli ya kani ka yingkieñ pyn mynstep ka 19 tarik.
“Lada toh iwa emkaam u chna bran bran ya ini i bynta yong kani ka yingkieñ, u chna wot ki ha kini ki sngi” da ong u ma Nongpluh.
Heijooh i por u ma Nongpluh da kyntu u ya ki paidbah kiwa lai wa wan wa ymhoi u pynkhih ki ya ka yingkieñ hawa lai ke ki cheini neibhah lada joor i pynkhih ya ka ye ko u sih wei ye ko leh u booh yei mynsien kiwi hei ma.
Discussion about this post