Ka lieñsuiñ ka Air India Express kawa mih na Hyderabad manda hiar ko ynne i sngi ha Phuket International Airport da tkut warr ka chaka khmat heipor wa dang hiar ha ka luti namo ka Runway.
Katkam wa yoo na ki Video wa da poor, kani ka lieñsuiñ heipor wa hiar ko da mih tdem ki chaka dien wei da kynthih ko chajrong wei da haap biang ki chaka ha ka Runway deiwa da rap thung ko dei khmut iwa ye wa man i daw hadooh wa kheiñ ka chaka khmat.
Ya kani ka Runway da pynbna wa hap wow khang hadooh 6 waje i janmiet myntu ka sngi.
Hapoh kani ka lieñsuiñ kawa man kam ka Boeing 737 MAX 8 da em 133 ngut ki bru wei da yoh ki wow hiar khlem da jia iwon iwon.
Ki dur wa da chon na ini wa jia da yoo wym em de ka chaka khmat kani ka lieñsuiñ wei da neh ko sa du ki nar wa pyndait ya ka chaka.
Ini da pynthut ko leh yei lai i wan ki lieñsuiñ ha kani ka Airport.
Kani ka lieñsuiñ ka Air India Express Flight IX 938 da hær ko na Hyderabad heipor 6:42 i step wei dapoi ko ha Phuket International Airport heipor 11:40 i step i por Thailand.
Discussion about this post