Da em i tiñ wei sñiaw ma,
Wow khreh kot khubor paya.
Su i chah tynyap i chah slaitbor,
La ha nongkyndong næ ha sor.
Wajooh ong ki kamni,
“Nei riam ki kynthai hi”.
Wa e baam ya ki khmat u chynrang,
Sei leh iwa yoo khlang khlang.
I sap i kup haneiñ khlieh kyrsu,
Dalait waki skep ki blu.
Ha chiteiñ won i rupai,
Yo wadam u yoo bang na-ai?
Toh hi ma-ai nei riam yong ki?
To ya bichaar hi da phi.
Nadooh ki man bei hadooh ki khynnah,
Wa chah slaitbor wa chah rah.
Wot kiwa tang i sakhmut wym pu khooid,
Ki wa pli wadang ait dooid.
I riam næ ileh dang dei yong khynnah,
Kattæ leh dang chah rah.
Wat ki man bei kiwa pli,
I r’ta leh da heh hi ki.
I riam ka yusem waka kyrchah,
Kattæ leh dang chah rah.
Hawa puræ khubor man ka sngi,
Ki pura khyllood wym sñiaw de i.
Sadu ya ki khynnah bait,
Sñiaw wyr’ai u yoo u pait.
Waroh ini i man i long,
Wym tip sap de wow ong.
Nei yi i daw? Haap duk i u kylli,
Ileh ma-ai wajia kamni?
Discussion about this post