Kiwa ha-yung u Roning Nongkynrih uwa da chah siat dusmon ha ki chipai BSF, da dawa ki na ki bor wa hajrong wa na ka sorkar wa toh u pynchitom deiwa eh ya ki BSF kiwa emkti wow pynkut yabor yei mynsien uwa ha-yung yong ki.
Neiliang ka Shaplang Nongkynrih kawa man kam ka beikhian u Roning da pynsñiaw ko yei chrai ya ini i leh bru khloo yong ki BSF, wei da dawa ki wa toh u kem wei pynchitom deiwa khor.
Heijooh i por da dawa ko leh wow pyndooh kreh noh chisyndon ya kini ki bru wa emkti ha ini i kaam wei da dawa leh wa ka tulop yong ki bru wa siat ya u Roning toh u e marchiteiñ cha ka manyung yong u Roning, neibhah wa uni u waheh toh uwa pyndap pynbiang ya ka yung ka sem waroh kawi.
