15 49.0138 8.38624 1 0 4000 1 https://wyrta.com 300 0

Toh u khang chwa ka MSPCB ya ki Karkhana Khyndawbilat : MPUF

0 Comments
Advertisement ad1

Jowai : Ka seiñ Meghalaya Peoples’ United Front lyngba ka khubor wa da phah da u President yong ka u D. Laloo da pynsñiaw u yei mynsien wa khia wei da pynrem joor ka seiñ ya ka Meghalaya State Pollution Control Board.

Yeini da pynrem joor hadien wa da phah khang ko ya ki Hotel wa ki Lodge kiwa em hapoh u pood u ang ka Ri-loom Jaiñtia du neidaw wa tyngkheiñ ki ya ki kyndon ka the Water (Prevention and Control of Pollution) Act 1974, The Air (Prevention and Control of Pollution) Act1991, katkam wa kam ka MSPCB.

“Tangwa ka Department da pyrkhat ko mo wa lada kini ki thaw sah man ki kiwa khang, ki bru wa wan na baar ka jylla heiwon u sah ki?” da kylli u ma Laloo.

Chooh chooh ka seiñ kylli ko leh wa lada kini ki hotel pynjakhlia ki ya ka rymaw tæ ileh wa ka MSPCB ym khang chwa ko ya ki Karkhana Khyndawbilat (Cement Factory) wa em ha East Jaiñtia kiwa pynjakhlia ya ka wah wa pawnaam bha kam ka wah Lukha.

“yoosar kini ki hotel ym ye ki u su cha ka MSPCB katwa ki Cement Factory won su ki ya ka man la u snem wei ka aiñ hi krehkaam ko du ya ki wa dooh” da pynrap u ma Laloo.

Advertisement ad1

0 Comments

Leave a Reply