Jowai: Ka Dorbar Dong Ladsutnga hadien i chah tynyap ki ar ngut ki khynnah kynthai ha kini ki khajik sngi da rai ko wa waroh kiwa chongwai hap pynbiang ki ya ki kot ki sla chwa u chah u sah wai ki hapoh ka chnong.
Ini i rai ka chnong da chim ha ka yalang wa pynman ha ka 5 tarik uni u bnai hadien wa u Emvyris Dkhar uwa khut leh kam u Michael Dkhar da tynyap u ya arngut ki khynnah kynthai ha kani ka dong.
Ki kot ki sla wa emkaam u pynbiang toh ka EPIC, ka Residential Certificate na ki Waheh Chnong kiwa wan ki, ka Police Verification ya ki bar jylla namo na ki Panchayat ka chnong yong ki.
Ini i dawa ka dorbar chnong yow pynbiang kot toh yow yohlad u tipmit ya kiwa chongwai neiwon wan wei kamjooh yow tip yei long i man yong ki lada kiwa sih næ kiwa bha boi ye u man ki wa da chah kyntait na kiwi ki chnong.
Kani ka khubor da pynmih da u Waheh Dong ka Dong Ladsutnga u ma S. Sukhlain, East Jaiñtia Hills District.
Discussion about this post