15 49.0138 8.38624 1 0 4000 1 https://wyrta.com 300 0

Leh burom ya ka sngi ki kynthai ha Jowai

0 Comments
Advertisement ad1

Jowai : Ka Women’s Welfare Organisation Seiñraij Jowai (WWO SRJ) ynnin ka 8 tarik da kynmo burom ko ya ka International Women’s Day deiwa pynman ya ka phet Marathon wa ka Walkathon hei step kiwa wan chimbynta da ki kynthai khynnah hadooh ki manbei.

Ya ka Marathon da booh bynta ya kiwa em 12 hadooh 16 snem, ya ka Walkathon 25 hadooh 39 snem, 40 hadooh 59 snem wa 60 snem cha neiñ.

Advertisement ad1

Hei janmiet da pynman won ya ka yalang ha Dorbar Hall Seiñraij, Jowai heiwa ka kong B. Blah EAC, Amlarem da man ko kam ka kongsan.

Intwd8

Ka kong Rikdup Thma kawi na ki dkhot ka WWO SRJ hei klam yong ka ong ko wa cha ki ri kam ha Iran ki kynthai man ki kiwa chah lehbeiñ bha hadooh wa ym ye ki u lai u wan katwa ngait weiwa ym yoh lad ki u puræ puthi hadooh wa u seiñ khih seiñ khan. Da pteiñ ko deiwa ong wa hadooh katwon man ki kynthai cha i kiwa embhah hadooh kattæ kattæ neibhah ki em i burom ha ka imlang sahlang.

Hanlada kattæ leh dang boon ki duna ki bor ki kynthai ha ka imlang sahlang neibhah lada pait cha ki kaam ki wa mihkhmat ha ki kaam seiñ pyrthai nadooh ki MDC hadooh ki MLA dang duna bha ki kynthai.

Intwd2

U ma H.H. Mohrmen uwa man kam u Guest Speaker da ong u wa lada man i kitæ kiwa chim ya ka kur ka Bei i chah lehbeiñ ki kynthai ha ka imlang sahlang dang roi ki na ki sngi cha ki sngi. Da ong wa yow pynduna yeini toh du ha ki bor ki chynrang neibhah ki kaam chah ksohbor ki kynthai toh du neidaw ki chynrang donhi ymtoh ki kynthai wa leh.

Ong chooh chooh u wa kam ki chynrang ye u sdang u pynkylla yeini deiwa sdang i u kreh lang wa ki kynthai kamjooh wow yarap ya ki ha kiwa boonjait ki kaam wa leh ki. Ong u leh wa ki manbei toh i kaam wa kreh waroh chi sngi chi miet weiwa ki chynrang ym ye ki u pynbiang kam ki manbei.

Ka kong B. Blah da klam ko hei yatoh waka phang yong kani ka International Women’s Day ha uni u snem ka wa ong “Planet 50-50 by 2030: Step It Up for Gender Equality”. Ka kong Blah ong ko wa i mut ini i 50-50 ymtoh wow ya pynsariem ya ka kynthai wa u chynrang hynrei yow e lad leh ya ki kynthai u kreh ya ki kaam wa ki kwah ki yow ye u ku i kyrdan yong ki hapoh ka imlang sahlang.

Intwd3

Da leh burom leh ha kani ka sngi ya arngut ki manbei ka Monika Challam kawa seiñ ya ka Mon-i-ka Crèche and Child Welfare Association, Loomyongkjam kam i lad kamai kamjooh iwa yarap ya ki manbei wa boon yong ka chnong.

Ka kong Aprilda Bareh kawa seiñ wei wa pyllai ya ka Iaksar Night School Dulong, Jowai nadooh 2004-15.

Intwd4

Ha kani ka sngi da saam leh ya ki khusnam cha kiwa jop ya ki yakop wa pynman hei step kani ka sngi heiwa kiwa jop man ki kamni næ;

Marathon (12-16 Snem)
1st . Yomika Sutnga
2nd . Nima Sutnga
3rd . Lucy Niangti

Walkathon (25-39 snem)
1st . Yoolang Niangti
2nd . Daka Challam

Walkathon (40-59 snem)
1st . Janbha Pakyntein
2nd . Hunmon Shullai
3rd . Will Sungoh

Walkathon (60 snem chaneiñ)
1st . Dawan Rymbai
2nd . Rilly Suwer
3rd . Ming Summer

Intwd1

Intwd5

Intwd6

Intwd7

Advertisement ad1

0 Comments

Leave a Reply