Uwa yahkhmat ka liang pyrchah, u Dr. Mukul Sangma da yaroh u ya ka Khasi Students’ Union (KSU) yeiwa pynmih pyrthai ko yei khrong poisa pyrchah aiñ ki pulit ha ki thaw wa em ha u sarok Shillong Bypass.
Hawa yaklam wa kiwa thoh khubor, u Dr. Mukul da ong u wa emkaam wow yaroh ya ka KSU deiwa ong wa waroh ini wa jia toh iwa sñiawkhia wei emkaam wow takit deiwa toh rukom.
Da ong u leh manda chem ya kitu kiwa emkti toh u pynchitom neibhah kam ini i kaam ktah ko yei dur kamjooh yei chaniah ki bru ya ki pulit.
Chooh chooh da ong u wa ka Meghalaya Police da yoh ko yei naam kam kawa miat bha i krehkaam hapoh ka ri tangwa manda jia kamni da pynsih ko yei dur wa bha wa miat.
U Dr. Mukul da ong u wa jia ini waroh toh neidaw wym em pynkrehkaam ka sorkar deiwa toh rukom ya ki kyndon ka Meghalaya Police Act, 2010.
Discussion about this post