15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Tooid ki khon ka Raij Muthlong cha ka Behdieñkhlam ka Raij Muthlong

0 Comments
Advertisement ad1

Jowai: Ka lehniam Behdieñkhlam yong ka Raij Muthlong da poi ko chawa kut ynne ka sngi ha Biar Nohrong ka Raij wa em ha Thadmuthlong, heiwa u MLA ka Mawphlang u Kenedy Khyriem da man u kam u kongsan.

Kani ka lehniam da sdang ko nadooh ka 1 tarik Naisaphra heiwa da pyndep ya ki lehniam kamjooh leh ka chaad ha talawiar ka Raij ka chnong.

Advertisement ad1
Advertisement ad1

Ynne ka sngi khaddooh dang step da pyndep ya ka lehniam wa tip kam ka Sang Sngi Khlam ya kawa da pyndep da u Chutia ka Raij.

Manda poi chiteiñ sngi ki khon ka Raij na kylleiñ da pynpoi ki ya ki rong ki rot yong ki cha Biar Nohrong heiwa da chaad ka-it mynsien ki khon ka Raij hei kieh ki bom, ki bhuri, ki bikur wa chna da ki siej, wa kiwi kiwi kiwa pynchongchit ya kiwa chaad.

Ynne ka sngi da pynpoi hadooh 17 tylli ki rong kiwa da klam chaphang i chait i khiah,i sih iwa mih na i kiad ka kiwi kiwi de.

Ha kani ka sngi ya ka lehniam Behdieñkhlam da wan sakhi leh da u Doloi ka Elaka Jowai, u Dolloi ka Elaka Shangpung, u Dolloi ka Elaka Raliang, ki heh yong ki Seiñraij na kylleiñ kylleiñ.

Ya kani ka Behdieñkhlam da wan sakhi da ki hajar na kylleiñ ka Ri Loom Jaiñtia wa Khasi.

0 Comments

Leave a Reply