theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Toor syndet ka Sur ka Bri u Hynñiewtrep cha Secretariat yow dawa pynyoo ya ka takit u Cherish

Advertisement ad1

Chi tayaw chwa wow dap chi snem thij i chah siat yap uwa yahkhmat warim ka HNLC, u Cherish Starfield Thangkhiew, ki dkhot yong ka Sur ka Bri u Hynniewtrep ynne ka sngi da lai toor ki cha Secretariat wow dawa ya ka bui (Report) na ka sorkar hajrong i chah siat yap u Cherish ha u snem wa da dep.

Ya kini ki dkhot ka Sur ka Bri U Hynniewtrep da khang luti noh da ki pulit wa ki Magistrate ha khyrdop yong ka Secretariat.

I mih yong kani ka kynhun wow kbai pyrchah yei mutlop ka sorkar, khamtam i wym bien u yachem wa kiwa yahkhmat kani ka kynhun wow yaklam hajrong ka bui takit wa da dep wow ekti da u Justice T Vaiphei.

Hawa yoo yei mih kani ka kynhun, ki bor pulit da pynkhlan ki ya ki bor sonteri wei da kyntu ya ki wow psiah du ar ngut yow paan bor yow yachem wa ki bor wa haneiñ, tangwa kani ka kynhun da kyntait ko wei da pynsñiaw wa kwah ki wow psiah kamwa 10 ngut wow yaklam wa ki bor sorkar heiwa da yoh ki wow yachem wa u Symbood Montri Rangbah, u Prestone Tynsong.

Share this:
Previous

E khublei ka JSU ya ki sahep hadien wa yoh bordiñ biang ka Syndai 

Next

Ha ka 9 tarik hapoh ka yung dorbar u wanrah yei takit chah siat u Cherish