Tuber Behdieñkhlam: Hapyrdi i chongchit wa i sakhi ki hajar da wanrah ya ki Bhang ha Biar Blai

Ynne ka Musiang ka 16 tarik, ki khon ka Raij Tuber da pyndep ki ya ki sarin yong ka lehniam Behdieñkhlam 2023 kawa da sdang nadooh ka 14 tarik uni u bnai.

Ha ka 14 tarik ka sngi Pynsiñ, ki Phang Wah da wan chaad ki deiwa ku ki cha Phang Neiñ katwa ha ka 15 tarik ka sngi Mulong, ki Phang Neiñ da hiar ki cha Phang Wah iwa man i yachemlang wa i burom mar chiliang chirup i chaad hei kieh ka bom, ka bhuri wa ki bikur heiwa da em i ngoohblai.

Ynne ka Musiang dang step u Langdoh wa ki Wasan ka Raij da pyndep ki ya ka Kñia Syiem Ryngkaw katwa ki khon ka Raij ha jar jiar ki chnong wa ki Seiñraij pyndep ki yei Choh Thyndai iwa ye leh u ong i Chaad Yung.

Chooh chooh ynne ka sngi ki Phang Wah wa ki Phang Neiñ da wanrah ki ya ki Bhang Blai wow pynpoi ha Biar Blai deiwa ya chaad ki chynrang wa ki kynthai.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026