Jowai : Ka All Souls’ Day, hei ngait Kristan man ko ka sngi ka wow kynmoo ya kiwa da khlaad na ka sla khyndaw pyrthai heiwa ki wa hayung hasem ngooh dem ki ya ki sangia yong ki.
Ynne ka sngi ha loom tlep bru ka Balang Katholik Jowai ki para wa ngait niam da yalang ki da ki spah yow ngooh u dem wei u kynmoo tympang ya ki mynsien kiwa da khlaad na yung na sem ki.
U Fr. Hilarious Lamare da pynkynmoo ya waroh wa em ki daw wa emkaam u ngooh blai nei bynta kiwa da khlaad neibhah ki dang emkaam ki ya i kiwa im u sait yei pop wa da leh ki ha pyrthai. Da pynwandur u yeini hei rukom wa man i ksiar iwa paka hadien wa da dep thang.
Kiwa ha yung kiwa da khlaad da wan ngooh wan dem ki cha ka balang hei pyrtuid yong ki wa ha yung ki wa da lai na kani ka pyrthai. Da pyndep leh ya ka knia Mass wakhooid ha kani ka sngi.
Ka loom tlep bru da dap ko da ki bru wa ngait ya ka niam Katholik kiwa da wanrah deilang wa ki syntu wa ha rukum wa ki mombati kiwa da booh ha ki mot kiwa da khlaad.
Discussion about this post