15 49.0138 8.38624 1 0 4000 1 https://wyrta.com 300 0

Chemdien ka IBSWO yei pynkai jakhlia ka Amrit Cement cha ka wah Rkhiang ka um wa pynemkaam ka chnong Mynkre

0 Comments
Advertisement ad1

Jowai: Ka Indigenous Biodiversity & Social Welfare Organisation (IBSWO), kawi na ki seiñ kawa kreh mon sñiawbha hadien wa yoh ki ya ka chithi jubab na ka Karkhana pynmih khyndaw bilat ka Amrit Cement kawa em ha ka chnong Umlaper marjan wa ka Mynkre East Jaiñtia Hills District, ya ki dawa ka organization wow pynbha ya ka wah Rkhiang kawa man ka um baam um dih yong ka chnong Mynkre kawa kani ka karkhana da pynjakhlia wei pynsih ko ya kani ka wah.

Ynne ka sngi kiwa yahkhmat hapoh i yahkhmat u President u Adronikos Suching hei emlang u Vice President u Sunny Bareh, u General Secretary u Starling Rupsi wa kiwi kiwi ki dkhot ka seiñ da lai syllai wei da sakhi ki da ki khmat wa kani ka karkhana da thok hi-eh ko ha ka chithi wa da phah cha u DC ka EJH wa da dep leh ki katkam i dawa ka seiñ.

Advertisement ad1

Ki dkhot ka seiñ da kam ki wa da chem ki i jakhlia wa mih na ki paikhana, kamjooh leh u tpai Fly Ash wa mih na u mooyong wa kiwi ki jakhlia kiwa mih na kani ka karkhana chna khyndawbilat da pyntooid bait lyngba ki dooid ki liar cha ka wah Rkhiang kawa kiwa chong chnong ka Mynkre pynemkaam ki ha yung ha sem.

Neiliang ka seiñ da lai yachem ki ya u Pawan Yadav Kumar uwa pait ya kani ka Karkhana tangwa neiliang yong oo da ong u wa em u hapyrdi ka yalang wei ym yoh u wow yachem wa ki, kamtæ dalai yachem ki wa u Biju Mathew uwa man uwa pait ya ka Human Resources Development (HRD), wow lai pynyoo u ya ini i thaw katkam ka chithi wa thoh cha u DC, tangwa oo won da ong u wa ym embor u wow leh kamtæ.

Neiliang kiwa kitkaam ka seiñ da ong ki wa katkam ka hukum ka Supreme Court ha ka 23.02.2017, da phah ya ki State Pollution Control Board, wow hukum ki ya waroh ki karkhana wa toh u em ki ya ka Effluent Treatment Plant, tangwa kani ka karkhana ym em u leh ko yeiwa emkaam. Neiliang ka seiñ da maham ko leh wow ujor pyrchah ya ka Amrit Cement Factory cha ka National Green Tribunal (NGT).

Advertisement ad1

0 Comments

Leave a Reply