Tympat ka la’ær wa joor ya boon tylli ki chrot bordiñ ha Shnongrim, East Jaiñtia Hills

Ka la’ær wa khlanbor da wan syndet ko ynne deilang wa u slap wa joor bha heipor kamwa 5:30 i janmiet heiwa da chah tympat boon tylli ki chrot bordiñ ha Shnongrim, Nongkhlieh wa em hapoh East East Jaiñtia Hills District.

Kini ki chrot bordiñ da haap ki cha ki yung ki sem kamjooh cha luti syngkieñ heiwa uwi da haap u ha u sarok wa lai cha Saipung.

Katkam wa pyntip u waheh chnong ka Shnongrim, u H.R. Sutnga da em kamwa 12 tylli haroh kini ki chrot bordiñ kiwa da pat wei kam ka chnong da yaleh ki wow kyrriah ya kiwa haap cha luti syngkieñ.

Related posts

Maham pynman yakhih ki ar chnong lada ym pyndam ka JHADC yei tipmit wei e Sanad ya ka chnong Umpyrshin

February 23, 2026

Khut sñiawbha ka Jowai Cooperative Urban Bank ya waroh ki Shareholder Member cha ka lehkmen dap 50 snem

February 23, 2026

Chooh chooh da pyntip u wa ha ini wa jia ym em wa mynsoo wei ka bordiñ leh da pleh ko kamtæ da nood ki wow kyrriah ya kini ki chrot bordiñ cha rood.

Da pyntip u leh wa em leh ki dieñ kiwa da chah tympat cha luti syngkieñ wei da em leh ki dukan wa chah khyndang ha Yaaw Cement tangwa ha Shnongrim hi ym em ki yung ki sem kiwa chah khyndang ha kani ka la’ær.