Tympdung Bomb ka HNLC ha thaw sah kiwa kreh ka Dhar Company ha East Jaiñtia Hills | Kyntait u SP wa em wa yap

Ka HNLC da pyntip ko wa da tympdung IED Bomb ko ha kawi ka thaw sah kiwa kreh ka Dhar Company ha Shymplong, EJH hei step synyaaw ka 15 tarik uni u bnai heipor kamwa 1:00 waje heiwa da em uwi u bru wa yap, wei da chah ktah leh boon tylli ki kari.

Da ong wa da leh yeini deiwa mang donhi ya ki tiar ki tar u Sniawbhalang Dhar deiwa maham leh ya oo wa da jan lut i por u neibhah wym bien u wow su yeiwa dawa ki hawa kiwi won smat ki wow leh yeini.

Da maham leh ya kiwi ki Politician ki wym ngait sneiñ ya ka HNLC wa daw yoh ki u maad deiwa khor kamjooh ki bru wa heh spah wa lada ym krehlang ki wa ka HNLC wa daw sih i khih i khan ki.

Hawa kylli won na u SP ka East Jaiñtia Hills da ong u wa da tip ki pulit yeini wa jia hei janmiet ka 16 tarik wei manda lai cheini da chem wa chah ktah du kawi donhi ka Truck kit um wei ym em wa yap kamjooh kiwa mynsoo.

Related posts

Da sdang ya ka Meghalaya Lakadong Turmeric Integrated Development Mission wa Rs. 175 klur | Daw yoh myntoi ki 17,500 tylli ki manyung

July 21, 2026

Kah uwi ya ka kari u sahep sorkar hadien wa yoo ya ka kurim hapoh

July 21, 2026

Da ong leh wa ya uni u kynja Bomb da booh ha kani ka kari wei heipor wa jia ini, uwa yah ya kani ka Truck thiah u hapoh ko wei ym em mynsoo u lait noh malu nei tieñ yeiwa jia manda kynthiar napoh ka Truck.

U SP da ong u leh wa kani ka thaw wa jia man ko kam ka Labour Camp wa sah kiwa kreh ka Dhar Company kiwa dang pynchna ya u sarok kattæ.

U SP da ong u wa i pdung toh iwa khian wei ym em joor i wei ka takit da lai ko chakhmat yow kem ya kiwa leh yeini i kaam heiwa ya ka FIR da booh da ki pulit hi ha ki kyndon tympdung Bomb wei ym em booh ki kyndon wa em wa yap bru næ wa mynsoo na ini wa jia.