Tympdung u DC ya boon tylli ki karkhana Coke ha East Jaiñtia Hills

Hadien wa pynmih ya ka hukum da ka Meghalaya High Court wow tympdung ya ki karkhana Coke, kamtæ ha ka 12, 13 wa 14 tarik uni u bnai da pyndep yeini ha East Jaiñtia Hills District.

Yeini da leh hapoh i pait ka yung krehkaam u Deputy Commissioner, East Jaiñtia Hills deiwa emlang u M. Kumar chirup wa ka Meghalaya State Pollution Control Board (MSPCB), wa yahkhmat da u Y. F. Laloo, Environmental Engineer.

Ha waroh da em 11 tylli ki karkhana Coke wa da chah tympdung wei na kini 7 tylli toh ki Non Consented Coke Plant ki wym yoh bor u chna ya kiwa da tympdung da ki bor sorkar katwa 4 tylli toh kiwa da tympdung da ki tre hi ha East Jaiñtia Hills District kiwa da tyngkheiñ ya ki kyndon aiñ.

Related posts

Pynsangeh ka High Court ya ka Personal Interview ka DSC ka West Jaiñtia neibynta i kreh LDA cum Typist

June 30, 2026

Yoh myntoi ki khynroo khyllood na ka Job Fair wa pynman ka Bosco Pnar Jowai

June 30, 2026

Kam wow kdaw heini wa ka Meghalaya State Pollution Control Board chirup wa ka yung krehkaam u Deputy Commissioner, West Khasi Hills District da tympdung ki ya 17 tylli ki karkhana hapoh West Khasi Hills District kam chibynta wow pynkrehkaam ya ka hukum ka High Court.

Deini ka sorkar da pynyoo ko leh yei thmu wow pynneh wei yada ya ka ramaw khamtam wow pyndooh ya kam kini ki karkhana kiwa man pyrchah ya ka aiñ.