Jowai : Katkam ka yutip wa tikna wa ki video kiwa da yoh u Wyrta da yoh u sakhi ya ki san-ynru ngut ki damok kiwa da muaaid bha kiwa da tyngkheiñ wei tympiah ya ka signboard yong kawi ka dukan wada pynche light bha wa em hawah ka Police Point wow hiar cha Iawmusiang.
Ini da jia i ha ka kylla step ka 4 tarik uni u bnai heipor kamwa 1 waje i step. Da yoh u sakhi leh wa uwi na kini da ksoh u ya u klong beer heipor wa leh ki yeini i kaam.
Heijooh i por kini ki damok da yut ki neini i thaw manda wan ki kari wei manda em ki bru wa lai luti wei uiñ biang ki cha kani ka thaw wa tympiah ki yow sam tympiah chooh ka ka signboard deiwa kura ya ka.
Hei yoh u Wyrta u phone cha ki bor pulit yow yoh yei jubab na ki, da ong wa ympu yoh yutip ki yeini wa jia tangwa daw takit ki yeini wei ym iehjem ki ya kini kiwa emkti ha kam kini ki jait kaam.
I video wa em hawah pynyoo ko yeini i tympiah tympra kini ki damok.
[youtube id=”cBFtno65efI” mode=”normal” autoplay=”no” maxwidth=”1170″ grow=”no”]
Discussion about this post