theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Kynnoh wa wiar palat T. 22 Lak nei chna paikhana ha Bataw

Advertisement ad1

Jowai: Ka seiñ Fedaration of Khasi Jaintia and Garo People Bataw Unit hadien wa yoh ujor ki na kiwa chnong chnong wa ym em khooid i kreh ka Village Water Sanitation Committee (VWSC) Bataw neibynta u chna ya ki painkhana hapoh ka scheme Total Sanitation Campaign waka Swaach Bharat Mission da booh ko da ka RTI yow chem yei sakhiat.

Lyngba ka RTI ka seiñ da chem ko wa ya ka 1st Installment yong ka Total Sanitation Campaign wa T. 91, 256 da pyllait nadooh ka 29.11.11 neibynta wow chna ya ki 68 tylli ki paikhana ya ki manyung wa haap hapoh ka BPL. Ya kani ka 1st Installment ka VWSC Bataw da pynkhreh ko ya ki receipt heiyatoh wei thied ki ya ki mar kreh wa emkaam nadooh u mooria, u chyiap ki PVC pipe wa kiwi kiwi. Hapoh ka scheme TSC iwi iwi i piankhana toh u chong dor i T. 3,700.

Ya ka 2nd Installment wa T. 1,60,344 da pyllait ha ka 03.06.15 wei da thap ya ka ha ka Bank Account ka yong ka VWSC Bataw ha Meghalaya Rural Bank, Jowai. Ka seiñ FKJGP da kynnoh ko wa ya kani ka 2nd Installment da sai ya ka na kani ka Account wei wa ym em pynemkaam ya kani ka poisa yow chna pyndep ya kini ki 68 tylli ki paikhana.

Hadien ini da wan ka scheme Swaach Bharat Mission heiwa ka VWSC Batwa da yoh scheme ko yow chna 262 tylli ki paikhana heidor T. 12,000 iwi. Ka seiñ FKJGP da kynnoh ko leh wa na kini ki 262 ngut kiwa mih pyrtuid kam kiwow yohmyntoi (beneficiary) da mih pyrtuid kiwa na kajooh ka yung ar sien le sien wei em leh ki pyrtuid ki wa da yap leh. Kamjooh ya kani ka 1st Installment da dep sai ya na ka Bank Account tangwa ym em u chna ya kini ki paikhana wa thymme.

Kamwa man hadooh kattæ katkam ka Bank Statement yong ka Bank Account ka VWSC da ong wa nadooh ka 06.05.15 hadooh 08.01.16 da sai T. 22,33,000 da u Onbormi L Taring u Secretary ka VWSC Bataw wei da sah ka poisa sa du T. 31,800 donhi.

bataw

Kamtæ hei yatoh weini ka seiñ FKJGP Bataw Unit hapoh i yahkhmat u Riky Shylla General Secretary FKJGP Jaiñtia Hills wa u President ka Bataw Unit u Deihok Sumer ynnin ka 7 tarik lai yachem ki wa u EE, PHE Rural Water Supply Division Jowai u ma C. Najiar yow yaklam hajrong ini i chem yong ki wei da kyntu ki leh yow chimkhia ya ini yow yoh ka scheme u lai bait yow yoh ka chnong ya i roi i paar.

Neiliang u ma C. Najiar da kular u wow phah ya u Block Coordinator yow lai hiar cha ka shnong Bataw wei da phah leh ya u Waheh Chnong u pyllang lang u ya waroh kiwa yoh myntoi khnang wa u Block Coordinator yow ye u pyntikna wa la katwon tylli ki yung wa da yoh myntoi yow tip leh yaka poisa wa dang sah ha kti u Secretary VWSC.

Da ong u leh wa lada chem wa em ki bru wa mih pyrtuid boonsein daw pyndooh noh ya ki yow yoh laad kiwi won kiwym em mih pyrtuid u yoh myntoi.

Share this:
Previous

Tympiah ki damok ya ki tiar pynriam dukan ha Jowai

Next

Khaddooh chimkhia ki bor District ya u Fly Ash