theme-sticky-logo-alt
theme-logo-alt
Advertisement ad1
Advertisement ad1

Tyrchaaiñ ki khloor yakura ha ka Boxing Fight Night ka WJBA ha Jowai

Kam chibynta wow pynchlur ya ki khynnah wei wow e nongmuna ya kiwa boon heiyatoh wa ka yalehke yakura namo ka Boxing, neiliang ka West Jaiñtia Boxing Association (WJBA) chirup wa ka District Administration ka West Jaiñtia wa ka yung krehkaam u District Sports Officer, ynnin ka sngi da pynman ya ka lympung Boxing Fight Night.

Ya kani ka lympung da pynman ha Ummulong Tourist Taxi Stand, Iawmusiang hajan ka Jowai Police Station kawa em leh hajan ka yung krehkaam ka MTC. 

Chwa wow sdang kani ka lympung da em ka yalang wa tbian heiwa u Deputy Commissioner ka District u Garod LSN Dykes da man u kam u kongsan. 

Ha kani ka sngi da emlang u DSP ka West Jaiñtia Hills, u Mc Joel Marngar, u DSO ka District, u Khroobok Passah wa kiwi kiwi. 

Ha kani ka janmiet hawa e yei klam kam u kongsan, u Deputy Commissioner da kyrmen u wa kam kini ki lympung daw e mynsien ko ya ki khynroo khyllood ha ka juk wa katni heiwa joor bha i chah pynchoi ha kiwi tawon wow ngat ha ki kaam wa sih. 

Heijooh i por da kyntu u ya kiwa kitkaam ka WJBA wa ya ki paidbah wow wan ki chaphrang wow chim yei tika yada COVID-19 wei ym em de kiwi ki laad wow yada na kani ka kjut khlam lait na ka tika heiwa da pyntip u wa ha ka 20 wa 21 tarik daw em ka Special Drive wow e tika heiwa kiwa chong chnong ka ri kiwa sah ha Jowai ye ki wow lai cha ki thaw wa da booh neibynta ini i kaam. 

Ha kani ka lympung kiwa jop ha ki yalehke kynthup ki ya u Wandamei, Elicia, Baiamutlang, Gracenyllamary, Bhalang, Ram Lyngdoh, Tredicia wa Rishanlang. 

Share this:
Previous

3572 ngut kiwa wan chim tika ha ki ar sngi i e tika kyrpang ha ki ar Constituency

Next

Lehkmen ka KAS ya ka lyngkhooh sngi yap wa 81 u Soso Tham