Ka kari wa Maruti S-Presso wa pynhær bha kawa da suba wa yah da uwa da muaid, da tyrrah ko ya ka kari u MLA ka North Shillong, u Adelbert Nongrum hajan Nehru Park, Umiam iwa da jia ynne i janmiet.
Kani ka kari wa em Number ML-05AB-8537, da tyrrah nyngkong ko ya kawi ka kari Maruti 800 (ML-05C-6579) wei da tyrrah won ko ya ka kari Scorpio u Adelbert wa emlang u deilang ka kurim, ki khon wa uwa emyatoh ki heipor wa dang liwan ki na Umsning cha Shillong.
Ha ini wa jia ym em wa mynsoo joor wei waroh le tylli ki kari da takha ki. Ka kurim u MLA da mynsoo ko malu mala katwa ki khon won u da lait ki na iwon iwon i mynsoo.
Neiliang ki pulit ka Umiam dapoi ki ha ini i thaw wei ya waroh wa em ha ini i ya tyrrah kari da lai yah cha Nongpoh Civil Hospital yow pait u sylli yei long i man ki.
Discussion about this post